Тараз. 77news — Қазақстан Мұсылмандары Діни басқармасы бекіткен 2018 жылғы діни күндер күнтізбесіне сүйенсек, осы жылы Рамазан айы 16 мамырда басталады, деп хабарлайды 77news.kz.

Биылғы Оразаның соңғы күні 14 маусымға сай келіп тұр. Маусымның 10-нан 11-не қараған түн — қасиетті Қадір түні.

Ораза айт 15 маусымда, ал Құрбан айт 21 тамызда болады.

ҚМДБ Төралқа Мәжілісі мүшелерінің бірауызды шешімімен биылғы пітір садақа мөлшері 300 теңге болып бекітілді.

Пітір садақаны Рамазан айының бірінші күнінен ораза айт намазына дейін беруге болады.

Осы орайда «ҚазАқпарат» ХАА еліміздегі мұсылман жамағатының назарына Қазақстанның барлық облыстарына арналған Рамазан айындағы ораза және намаз уақыттарының кестесін ұсынады.