Тараз. 77news — Синоптиктер 12-14 шілде күндеріне арналған ауа райы болжамын жария етті, — деп хабарлайды 77news.kz AA тілшісі «Қазгидромет» РМК өкілдеріне сілтеме жасап.

Синоптиктердің айтуынша, алдағы күндері республиканың солтүстігінде өткінші жаңбыр жауады.

«Қазақстанның солтүстік жартысында басымырақ найзағайлы өткінші жаңбыр тудыратын атмосфералық фронттар Батыс Сібір арқылы жылжитын циклонмен байланысты. Сондай-ақ, республиканың оңтүстік жартысының кей жерлерінде найзағайлы өткінші жаңбыр жаууы мүмкін, бірақ мұнда кей жерлерде бұрыңғысынша максималды ауа температурасы плюс 40…43 градусқа жететін болады», — дейді «Қазгидромет» өкілдері.