ТАРАЗ.77NEWS — Жамбыл облысында жүк вагондары рельстен шығып кетті. Салдарынан 5 бағыттағы жолаушы пойызы өз уақытынан кешігіп жатыр, – деп хабарлайды 77news.kz AA «ҚТЖ» ҰК »АҚ баспасөз қызметіне сілтеме жасап.

Апат 31-шілде күні, сағат 08.05- те жүк пойызы Мойынты – Шығанақ учаскесінде «Қашқантеңіз – Жастар» бағытында болған. Жүк вагондары рельстен шығып кетіп, аударылған.

Қазір, 5 бірдей жолаушы пойызы жолдың қалыпқа келтірілуін күтіп тұр. «Астана-Сарыағаш» пойызының жолаушылары сапарларын жалғастыра алмай отыр. Олардың айтуынша, пойыз вагондарының шығып кету салдарын жойғанға дейін шамамен бес сағат күтуге тура келеді.

Апаттың алғашқы болжамды себебі, 28 – вагонның бүйірлік рамасының үзілуі болған. Шу және Сарышаған станцияларының қалпына келтіру пойыздары мен бригадалары апат болған аумақта жұмыс істеуде. Астана уақытымен сағат 18.00 – де қозғалыс қалпына келтіріледі. Жарақат алғандар жоқ.

ҚТЖ – ның айтуынша, барлық келтірілген шығын жүк пойызының иесінен талап етіледі. «ҚТЖ» ҰК» АҚ – да бұл істі тергеу үшін арнайы комиссия құрылды», – деп хабарлады ұлттық компанияның баспасөз қызметі.