Тараз. 77news — Жазушы Зейнеп Ахметова Бауыржан Момышұлы ескерткішіне гүл шоқтарын қойып, тағзым етті, — деп хабарлайды 77news.kz ақпарат агенттігінің тілшісі.

Фото: Әйгерім Отарбаева

Тау тұлғаның келіні жаңарған саябақтың жаңа келбетімен танысты.  Саябақтағы туындыларды жеке-жеке аралап,  ризашылығын білдірді. Тасқа қашалған әрбір аманат сөздердің мән-мағынасына тоқталып, келешегі кемел жастар үшін бабалар сөзі тәрбиенің түп қазығы екенін алға тартты.

Бұдан бөлек, 11 қыркүйек сағат 17:00-де «Баласағұн» ОКЗ-да «Аманат арқалаған жан» тақырыбында жалпы облыс жұртшылығымен кездесуі өтеді.

12 қыркүйек сағат 10:00-да Тараз мемлекеттік педагогикалық университетінің студенттерімен, сағат 15:00-де Тараз инновациялық-гуманитарлық университетінің жастарымен кездеседі.

13 қыркүйек сағат 10:30-да батыр Бәукеңнің туған өлкесі Жуалы ауданының жұртшылығымен Б.Момышұлы ауылының мәдениет үйінде жүздеседі.

Айта кетейік, тағылымды іс-шараны облыстық ішкі саясат басқармасы ұйымдастырып отыр.