Тараз.77NEWS — Жамбыл облысында құны 81 миллиард теңгені құрайтын 124 инвестициялық жоба іске асырылуда, деп хабарлайды 77news.kz ақпарат агенттігінің тілшісі «Хабар 24»-ке сілтеме жасап.
Өткен жылы 93 нысанның құрылысы аяқталса, биыл 31 нысанды тапсыру жоспарланған. Ауызсумен қамтамасыз ету бойынша 7 су қабылдайтын ғимарат ел игілігіне берілген. Бұл дегеніңіз, 18 елді мекеннің 50 мыңға жуық тұрғыны таза ауызсу ішіп отыр. Сондай-ақ облыста тұрғын үй құрылысы қарқын алған. Баспананың көптеп соғылуына әсіресе, «Нұрлы жол», «Нұрлы жер» және 7-20-25 мемлекеттік бағдарламалары серпін беріп отыр. Мәселен, өткен жылдың өзінде баспана соғуға 7 миллиард теңге қаржы жұмсалып, 440 мың шаршы метр үй бой көтерген.

Тұрғын үй құрылысы саласында биылғы жылы 20 млрд теңгені құрайтын 32 нысанның құрылысы жүргізілуде, оның 20 нысаны пайдалануға тапсырылды. Аталған нысандарға биылғы жылы 7,8 млрд теңге бөлініп, бүгінге 7,1 млрд теңгесі игеріліп отыр,- дейді облыстық құрылыс басқармасының басшысы Жайықбай Шалдаров.