Фото: Жамбыл облысы әкімінің баспасөз қызметі

Жамбыл. Талас. Қаратау қаласы  — 1 мамыр – Қазақстан халықтарының бірлігі мерекесіне орай Қаратау қаласында «Нұрлы жер» бағдарламасы аясында 60 пәтерлік көпқабатты тұрғын үй қайта жаңғыртудан өтіп, пайдалануға берілді, — деп хабарлайды 77news.kz АА облыс әкімінің баспасөз қызметіне сілтеме жасап.

Қаладағы №5 шағын ауданында орын тепкен аталмыш №55 үйге қайта жаңғырту жұмыстарын тараздық мердігер «Темір-Байлық» ЖШС-і жүргізген. Жоба құны 228 млн. 450 мың теңгені құраған. Нысан өткен жылдың 6 маусымда пайдалануға қабылданып, инфрақұрылымдық жұмыстары жүргізілген.

Фото: Жамбыл облысы әкімінің баспасөз қызметі

Мереке қарсаңында пайдалануға берілген бұл арендалық тұрғын үйде екі бөлмелі -10, үш бөлмелі-30, төрт бөлмелі — 20 пәтер бар. Аталған тұрғын үйге қоныс аударатын адамдардың тізімі аудандық тұрғын үй комиссиясы тарапынан жасақталған.

Фото: Жамбыл облысы әкімінің баспасөз қызметі

Пайдалануға берілген көпқабатты тұрғын үйден пәтер алған 60 отбасының 40-ы әлеуметтік аз қамтылғандар тобына жатады. Оның ішінде көпбалалы 17, толық емес 15, мүгедек бала асыраушы 2 отбасы бар. Сондай-ақ, 1 мүгедек және 5 оралман отбасы пәтер кілтің иеленді. Қалған 20 пәтер мемлекеттік бюджеттік қызметкерлері мен қызметтік пәтер иеленушілерге тиесілі.

Фото: Жамбыл облысы әкімінің баспасөз қызметі

Айта кетейік, Талас ауданы бойынша 2018-2019 жылдары барлығы 440 пәтерді құрайтын 6 көпқабатты тұрғын үйді қайта жаңғырту жоспарланса, бүгінде оның 4-і (барлығы 290 пәтер) пайдалануға берілді. Ағымдағы жылы тағы да 2 тұрғын үй (барлығы 150 пәтер) пайдалануға берілмек. Бұл өз кезегінде аудан бойынша тұрғын үй кезегінде тұрған 143 әлеуметтік аз қамтылған отбасыны баспанамен қамтуға бағытталмақ.